ایف آئی اے دا عامر لیاقت دی بیوہ دانیہ شاہ نوں سَدن لئی خط گھل دتا

کراچی(پنجابی میڈیاگروپ)وفاقی تحقیقاتی ادارے (ایف آئی اے) نے عامر لیاقت دی بیوہ دانیہ شاہ نوں سَدھن لئی خط گَھل دتا۔کراچی دی سٹی کورٹ وچ عامر لیاقت دی بیوہ دانیہ شاہ دے خلاف مقدمے دی سماعت ہوئی،ایف آئی اے نے پیش رفت رپورٹ عدالت وچ جمع کرادتی۔رپورٹ وچ آکھیا گیا اے کہ دانیہ شاہ نوں سَدھن لئی خط گَھل دیا اے،عامر لیاقت دے گھر والیاں نوں مقدمے دی تفتیش لئی بیان ریکارڈ کران لئی آکھیاگیا اے۔عدالت نے رپورٹ وچ ہور دسیا کہ ایف آئی اے دفعہ154 دے تحت دانیہ شاہ دا بیان لینا چاہندی اے، خط وچ عامر لیاقت دی بیوہ توں مذکورہ ویڈیو لیان دا آکھیا گیا اے،دانیہ شاہ دا بیان ریکارڈ ہون اُتے عدالت نوں آگاہ کیتا جائے گا۔عدالت نے آئندہ سماعت اُتے ایف آئی اے توں رپورٹ منگ دیاں ہویاں سماعت ملتوی کردتی اے۔