فٹبال ورلڈ کپ: ارجنٹائن نوں شکست،سعودی عرب وچ چھٹی دااعلان

لہور( پنجابی میڈیا گروپ)فیفا فٹبال ورلڈ کپ2022 دا پہلا وڈا اپ سیٹ ہوگیا تے سعودی عرب نے ہاٹ فیورٹ ارجنٹائن نوں چاراں پاسیوں چِت کردتا۔ جت دی خوشی اُتے ملک وچ بدھ دیہاڑ سرکاری چھٹی دا اعلان کر دتا گیا۔قطر دے لوسیل سٹیڈیم وچ ورلڈ کپ گروپ سی دا مقابلہ ارجنٹینا تے سعودی عرب دے وچکار ہویا جیتھے شہرہ آفاق فٹ بالر لیونل میسی نے10ویں منٹ وچ پہلا گول کرکے برتری ضرور ثابت کیتی لیکن آخر تک برقرار رکھن وچ نکام ہوگئے۔دوناں ٹیماں پہلے گول توں بعد چنگا مقابلہ کیتا لیکن سعودی عرب نے48ویں منٹ وچ پہلا گول کرکے میچ برابرکردتا ۔صالح الصالح الشھری نے پہلا گول کیتا، جس دے بعد سالم محمد الدوسری نے دُوجا گول کیتا تے ٹیم نوں برتری دِلادتی ۔ارجنٹائن دی مضبوط ٹیم نے گول کرن دی کئی وار کوششں کیتی لیکن سعودی عرب دے ڈیفنس دی کارکردگی شاندار رہی تے میسی ورگے سٹرائیکر ہور گول کرن وچ نکام رہے۔ سعودی گول کیپر الاویس نے ارجنٹینا دے کھیڈاریاں نوں مکمل طور اُتے بے بس کر دتا تے اوہناں دے سارے حربے نکام بنائے۔