کنک بحران دی تحقیقات، جودیشل کمیشن بنان دی عرضی تے فریقین نوں نوٹسز جاری

اسلام آباد: اسلام آباد ہائی کورٹ نے آٹا بحران دی انکوائری لئی جوڈیشل کمیشن بنان دی عرضی تے فریقین توں جواب طلب کر لیا۔ جسٹس عامر فاروق نے درخواست دی سماعت کیتی، درخواست گزار طاہر ولوں طارق اسد ایڈووکیٹ عدالت وچ پیش ہوئے۔

درخواست وچ موقف اختیار کیتا گیا طلب نال گھٹ آٹا موجود ہون دے باوجود ذاتی مفاد لئی کنک برآمد کیتی گئی، قومی خزانے نوں نقصان اپڑا کے ذاتی فائدہ اپڑان والیاں دا تعین کرن دا حکم دتا جاوے۔ درخواست گزار دے وکیل نے عدالت نوں دسیا آئین پاکستان بنیادی انسانی حقوق دے تحفظ دی ضمانت دیندا اے، آٹا بحران دی شفاف انکوائری لئی جوڈیشل کمیشن تشکیل دتا جاوے۔

جسٹس عامر فاروق نے ریمارکس دتے اجے فریقین نوں سن لینے آں کہ اوہناں دا کیہ کہنا اے، عدالت نے سماعت دو ہفتیاں لئی ملتوی کر دتی۔