قیدیاں دی رہائی تک کابل حکومت نال مذاکرات نہیں ہون گے: ترجمان طالبان

کابل: ترجمان طالبان ذبیح اللہ مجاہد آکھیا اے افغانستان وچ قید 5ہزار توں ودھ طالبان قیدیاں دی رہائی تک کابل حکومت نال کسے قسم دے مذاکرات نہیں ہون گے۔

عالمی خبر رساں ادارے دے مطابق افغان طالبان دے ترجمان ذبیح اللہ مجاہد ولوں جاری بیان وچ آکھیا گیا اے جدوں تک دوحہ وچ امریکا دے نال طے پان والے امن معاہدے دی اک شق دے تحت پنج ہزار طالبان قیدیاں نوں رہائی نہیں مل جاندی اودوں تک کابل حکومت دے نال مذاکرات وچ رلت نہیں کراں گے۔

ترجمان ذبیح اللہ مجاہد نے ایس حوالے نال افغان صدر اشرف غنی دے بیان نوں یکسر رد کردیاں ہور آکھیا امن معاہدے وچ واضح طور تے لکھیا اے کہ 10مارچ تک طالبان دے 5ہزار توں ودھ قیدیاں نوں رہا کر دتا جاوے گا۔ جے انج کر دتا جاندا اے تے فیر ای طالبان اگلے مرحلے وچ ہون والے انٹرا افغان مذاکرات وچ شریک ہون گے۔