افغان صدر دے تحفظات، طالبان امریکا معاہدہ جامع نہیں آکھیا جا سکدا: راجہ ظفر الحق

اسلام آباد: سینیٹ اجلاس وچ اظہار خیال کردیاں لیگی رہنما سینیٹر راجہ ظفر الحق آکھیا اے افغان صدر اشرف غنی دے تحفظات دی وجہ توں امریکا تے طالبان وچکار معاہدے نوں جامع نہیں آکھیا جا سکدا۔ راجہ ظفر الحق آکھیا افغان صدر اشرف غنی دے جہڑے بیان پڑھے، اوہ زیادہ خوش آئند نہیں۔

کئی واری پہلاں وی ہویا کہ افغانستان وچ لوکاں نوں اکٹھا کرکے عبوری حکومت بنائی گئی۔ ایس معاملہ تے بہت بہتر ہووے گا کہ وزیر خارجہ ایوان وچ آن تاں جے تفصیل نال گل ہو سکے۔ پر شاہ محمود قریشی دی عدم موجودگی دی وجہ توں افغان امن معاہدے تے سینیٹ وچ بحث شروع نہ ہو سکی۔ سینیٹ اجلاس نال خطاب وچ بیرسٹر سیف آکھیا ایہ معاہدہ انتہائی خوش آئند اے۔

افغان کمانڈر نے اپنا مثبت کردار ادا کیتا اے جد کہ شیری رحمان نے مطالبہ کیتا وزیر خارجہ ایوان وچ آکے افغان امن معاہدے بارے پالیسی بیان دین۔ اوہناں دا کہنا سی پاکستان گوانڈھی ملک نوں آزاد تے خود مختار سمجھدا اے۔

امریکا، پاکستان تے افغانستان وچ کجھ سوالات اٹھ رہے نیں۔ افغان صدر نے سوال چکیا اوہناں نوں ایس معاہدے وچ شامل نہیں کیتا گیا۔شیری رحمان دا کہنا سی ایہ گل واضح نہیں کیتی گئی کہ 5ہزار قیدی واپس کیویں آن گے؟ تیزی وچ جہڑا معاہدہ کیتا گیا اوہ بیشک ساڈے حق وچ اے، پر ایہ دسیا جاوے امریکانال کیہ گل ہوئی؟