وفاقی کابینہ نے پی آئی اے دے نویں چیئرمین دی منظوری دے دتی

اسلام آباد: وفاقی کابینہ نے پاکستان انٹرنیشنل ایئر لائنز (پی آئی اے) دے نویں چیئرمین دی منظوری دے دتی۔ وزیراعظم عمران خان دی زیر صدارت وفاقی کابینہ دا اجلاس ہویا جہدے وچ 13نکاتی ایجنڈے تے غور کیتا گیا تے پی ایم ڈی سی تے پی ایم سی تے بریفنگ دتی گئی۔

وسیلیاں دے مطابق کابینہ نے نویں چیئرمین پی آئی اے تے نادرا اکاؤنٹس دے مالی ورھے 30جون 2019دے آڈٹ دی منظوری دے دتی جد کہ نجکاری کمیٹی دے اجلاس وچ کیتے فیصلیاں دی توثیق وی کر دتی، پر بھارت توں کیمیکل منگوان دا معاملہ اک واری فیر موخر کر دتا گیا۔

کابینہ نوں کرونا وائرس تے ایہدی روک تھام بارے حکومتی اقدامات تے بریفنگ دتی گئی جد کہ ملک وچ بجلی دی سد، قیمتاں تے بلز دے طریقہ کار بارے وی آگاہ کیتا گیا۔