ن لیگ دی عرضیاں رد، پی ٹی آئی دی 3خواتین ارکان اسمبلی اہل قرار
اسلام آباد ہائی کورٹ نے پاکستان تحریک انصاف دی تن خواتین ارکان اسمبلی دی نااہلی دے کیس دا فیصلہ سناندیاں اوہناں نوں اہل قرار دے دتا۔ ہائی کورٹ دے جسٹس عامر فاروق نے محفوظ فیصلہ سناندیاں پی ٹی آئی دی تن خواتین ارکان پارلیمنٹ نوں نااہل قرار دین دی ن لیگ دی عرضیاں رد کر دتیاں۔
عدالت نے پی ٹی آئی ارکان پارلیمنٹ کنول، شوزب، تاشفین صفدر تے ملیکہ بخاری نوں اہل قرار دے دتا۔ مسلم لیگ (ن) دی رکن قومی اسمبلی بیگم طاہرہ بخاری تے شائستہ پرویز ملک نے ایہناں تناں ممبران قومی اسمبلی نوں 62ون ایف دے تحت نااہل کرن دی استدعا کیتی سی۔
کیس وچ ملائکہ بخاری تے تاشفین صفدر تے دہری شہریت لُکان جد کہ کنول شاہ زیب تے عدالت وچ ووٹ دی تبدیلی بارے غلط بیانی دے الزامات لاگو کیتے گئے سن۔ تناں خواتین مخصوص نشستاں تے پی ٹی آئی دے ٹکٹ تے اراکین قومی اسمبلی منتخب ہوئیاں نیں۔
Users Today : 421
Users Yesterday : 469
Total Users : 723525
Views Today : 8688
Total views : 11559043
Who's Online : 7
