پیپلزپارٹی بے نظیر شہید دے فلسفے تے ثابت قدم، بختاور تے آصفہ بھٹو عورتاں دی آواز نیں: زرداری

کراچی: رہنما پیپلزپارٹی آصف زرداری نے سندھ حکومت نوں خواتین مارچ دے شرکاء نوں تحفظ تے ہر قسم دی سہولتاں دین دی ہدایت کر دتی، اوہناں آکھیا پیپلزپارٹی خواتین مارچ دی پوری حمایت کردی اے۔ آصف زرداری دا کہنا سی پاکستان پیپلزپارٹی عورتاں دے حقوق دی ضمانت اے، عورتاں نوں کمزور تے کم تر سمجھن دی سوچ نوں شکست ہووے گی۔

پیپلزپارٹی شہید بھٹو تے شہید بی بی دے فلسفے تے ثابت قدم اے، شہید بے نظیر بھٹو نے سفاک تے بے رحم آمریت نوں شکست دتی۔ آصف زرداری نے ہور آکھیا معاشرے وچ خواتین دے برابری دے حق نوں تسلیم کرنا ہووے گا، شہید محترمہ بے نظیر بھٹو دا کردار عورتاں لئی مشعل راہ اے، بختاور تے آصف بھٹو عورتاں دی آواز تے طاقت نیں۔