پشاور: بی آر ٹی دا گھٹ توں گھٹ کرایہ 10روپے مقرر کرن دا فیصلہ

پشاور: پشاور وچ بس ریپڈ ٹرانزٹ (بی آر ٹی) دا گھٹ توں گھٹ کرایہ 10روپے مقرر کرن دا فیصلہ کیتا گیا اے۔ سفارشات ایڈیشنل چیف سیکرٹری دی زیر صدارت سٹیئرنگ کمیٹی اجلاس وچ دتی گئیاں۔ پشاور بی آر ٹی دے کرایہ دی حتمی منظوری وزیراعلیٰ خیبر پختونخوا دین گے۔

عام شہریاں سنے طلبہ تے بزرگ بندے ایس سہولت توں یکساں مستفید ہون گے۔ اجلاس وچ بی آر ٹی دا ودھ توں ودھ کرایہ 50روپے مقرر کرن دی وی سفارش کیتی گئی۔ اجلاس وچ مسافراں نوں ٹکٹ سسٹم دے استعمال دا طریقہ سمجھان دی ہدایت کردیاں ہر سٹاپ تے رضا کار یاں طلبہ دی انٹرن شپ توں استفادہ کرن دی وی تجویز دتی گئی۔

اجلاس نوں دسیا گیا بس ریپڈ ٹرانزٹ دے مستقل سی ای او لئی 74امیدواراں نے کاغذات جمع کرائے جہدے وچوں 19امیدوار مطلوبہ معیار تے پورا اترے۔