سندھ کابینہ دا اجلاس، کرونا وائرس دی روک تھام لئی 10کروڑ روپے دی منظوری

کراچی: وزیراعلیٰ سندھ دی زیر صدارت صوبائی کابینہ دے اجلاس وچ کرونا وائرس دی روک تھام لئی 10کروڑ روپے دی منظوری دے دتی گئی۔ سندھ کابینہ نے انڈس ہسپتال دے نال ایم او یو کرن دی وی منظوری دتی۔

وزیراعلیٰ سندھ مراد علی شاہ دا کہنا سی آئسولیشن وچ 13مارچ نوں 14دن ہو جان گے، فیر سکول کھول دیواں گے، 5ہزار کٹس منگوا لئیاں، ایران، چین دا سفر کرن والیاں دا ٹیسٹ کراں گے، ایران توں آن والیاں وچوں 2لوکاں وچ کرونا دی تصدیق ہوئی، لوکاں نوں گھراں وچ وی آئسولیشن وچ رکھیا اے۔