جیل بھرو تحریک زمان پارک توں شروع کرن،مریم نواز

ملتان(پنجابی میڈیاگروپ)مسلم لیگ (ن) دی نائب صدر و چیف آر گنائزر رہنما مریم نواز نے عمران خان اُتے طنزکردیاں ہویاں آکھیا کہ اسیں انتظار کر رہے ہاں کہ ایہ جیل بھروتحریک زمان پارک توں شروع کرن۔صحافیاں نال گل بات کردیاں ہویاںمریم نوازنے آکھیا کہ اسیں نظراں ویچھائے بیٹھے ہاں،آو جیل بھرو،فرنٹ لائن اُتے اوہناں نے عورتاں نوں رکھیا ہویا اے،خود سامنے آن۔مریم نوازنے آکھیا کہ قنون اپنا راستہ بنائے گا، جیہڑے جرم کیتے اوہناںدی سزا بھگتنا پئے گی،رانا ثناء اللہ نے جعلی مقدمے وچ6مہینے جیل کٹی، اینہاں نوں اجے کسی نے انگلی وی نہیں لائی، ایہ 2دن دی جیل وچ گلے لگ کے رون لگ پئے نیں۔رہنما (ن)لیگ نے آکھیا کہ نوازشریف نوں2017وچ اک اقامہ اُتے کَڈیا گیا،پانامہ کیس وچ ہفتہ اندر5دن پیشی ہوئی،اک دن وچ 2،2وار عدالت جاندے،دُوجے پاسے اقامہ نہیں ہیرے تے فارن فنڈنگ اے،ناجائز پیسے دے ثبوت بھرے پئے نیں۔