جیہڑا وی حق نال کھڑا اے اوس نوں گرفتارکیتا جا رہیا اے’ شبلی فراز

لہور(پنجابی میڈیا)چیئرمین پاکستان تحریک انصاف عمران خان دے چیف آف سٹاف سینیٹر شبلی فراز نے آکھیا اے کہ پچھلے 10مہینیاں توں جس طرح ملک نوں امتحان وچ پا دتا گیا اے اوس دی تریخ وچ کوئی مثال نہیں ملدی ،مضبوط حکومت دا تختہ اُلٹ دتا گیا، جیہڑا وی حق دے نال کھڑا اے اوس نوں گرفتار کرن دی کوشش کیتی جارہی اے ، اسیں جیل بھرو تحریک شروع کرن والے ہاں، ایس ویلے جیہڑے 2خاندان مسلط نیں اوہ جمہوریت لئی نہیں بلکہ اپنے مفادات لئی کم کر رہے نیں ،افغان بارڈر اُتے اسمگلنگ ہو رہی اے لیکن حکومت کجھ نہیں کررہی ،آئین اُتے عمل کردیاں ہویاں الیکشن کروان ۔زمان پارک وچ میڈیا نال گل بات کردیاں ہویاں سینیٹر شبلی فراز نے آکھیاکہ عمران خان تاں شروع دن توں کہہ رہے نیں کہ ساڈی حکومت سازش نال ہٹائی گئی ،اپوزیشن دے لوگ جیہڑیاں گلاںکردے سن اوہناں دی ہنڈی وچ چوراہے پھوٹ گئے اے۔