الیکشن نہ کرائے تے آئین دی خلافی ورزی اے،فواد چوہدری

اسلام آباد (پنجابی میڈیا)پاکستان تحریک انصاف دے رہنما فواد چوہدری نے آکھیا اے کہ الیکشن کمیشن دے اُتے اسیں ارباں روپے خرچ کردے ہاں، اگر الیکشن کمیشن ویلے اتے الیکشن نہیں کراندا تے آئین دی خلافی ورزی کرے گا۔ ڈسٹرکٹ اینڈ سیشن کورٹ اسلام آباد وچ الیکشن کمیشن بارے نفرت پھیلان دے کیس وچ پیشی اُتے میڈیا نال گل بات کر دیاں فواد چوہدری نے آکھیا کہ الیکشن کمیشن وچ ہائی کورٹ دے فیصلے اُتے عملدرآمد نہیں ہورہیا، اسیں جیل بھرو تحریک لئی تیار ہاں، الیکشن لئی ایہ لوگ تیار نہیں، موجودہ حکومت عمران خان نوں روکن دی کوشش کر رہی اے۔فواد چوہدری نے آکھیاکہ اج غداری کیس وچ پیشی دی، اجے تک پلس چالان پیش نہیں کرسکی، چالان پیش کرن تاکہ ساہنوں وی پتہ لگے کہ اسیں غداری کیہ کیتی اے، اگر میں غدار ہاں تے میرے سارے ووٹر غدار نیں۔