عوام امپورٹڈ ٹولے توں بدلے لئی تیار اے:مسرت جمشید

لہور(پنجابی میڈیا)پاکستان تحریک انصاف دی مرکزی رہنما مسرت جمشید چیمہ نے آکھیا اے کہ ملک نوں اک شخص نے اپنے تجربیاں لئی استعمال کیتاجس دا نتیجہ قوم دے سامنے اے،تجربے دا نتیجہ ایہ نکلیا کہ اج ایٹمی ملک دے زرمبادلہ دے ذخائر صرف 2.9ارب ڈالر اُتے نیں ،صنعتاں بند ہوچکیاں ،عوام آٹے لئی جاناں دے رہے نیں ،مہنگائی پاروں لوگ خودکشیاں کر رہے نیں۔ اپنے بیان وچ اوہناں نے آکھیا کہ اج قوم وچ مایوسی پھیل رہی اے،پاکستان دے نال ایس ظلم عظیم کرن والیاں نوں قوم معاف نہیں کرے گی۔ اوہناں نے آکھیا کہ 13 جماعتاں اتحاد بظاہر مسیحا بن کے آیاں لیکن حقیقت وچ اژ دھا ثابت ہویا جیہڑا آہستہ آہستہ ملک و قوم نوں نگل رہیا اے ،جداں مرضی لباس پا لین رجیم چینج آپریشن دے کردار عوام دے ذہناں اتے نقش ہو چکے نیں۔ا وہناںنے آکھیا کہ شوکت ترین دی گرفتاری ایس لئی ضرور ی اے