پی ٹی آئی دوروچ سیاسی مخالفاں دے خلاف جھوٹے کیس بنائے گئے،مریم اورنگزیب

اسلام آباد(پنجابی میڈیا)وفاقی وزیراطلاعات ونشریات مریم اورنگزیب نے آکھیا اے کہ پی ٹی آئی دور وچ سیاسی مخالفاں دے خلاف جھوٹے کیس بنائے گئے،عمران خان دی اصلیت آئے دن عوام سامنے بے نقاب ہورہی اے،نوازشریف ، مریم نواز تے شہباز شریف سنے سارے لیگی رہنماواں نے اپنے خلاف کیساں اُتے عدالتاں وچ جا کے جواب دتا ،عمران خانپھڑے جان تے کہندے نیں جواب نہیں دیاںگا،کہندے نیں لَت اُتے پَلستر اے،استثنیٰ دتاجائے،عمران خان نے اپنے سیاسی مخالفاںخلاف ہر طاقت استعمال کیتی ،اج ٹی وی اُتے بیٹھ کے تماشا لاندے نیں تے کہندے نیں کہ جنرل باجوہ میرے خلاف سازش کررہے سن،جنرل باجوہ حکومت ڈیگ رہے نیں تے تحریک عدم اعتماددی رات تاحیات توسیع دین دی آفر کیوں کیتی؟عمران خان نے پاکستان دی سالمیت دے نال خطرناک کھیڈ کھیڈیا اے،تہاڈے اُتے آرٹیکل6لگنا چاہیدا اے ،عمران خان دیاں کرتوتاں پاروں پاکستان دی عوام دا نقصان ہویا،پاکستان ایس ویلے ترقی کرے