ہائیکورٹ نے تحریک انصاف نوں لہوروچ جلسہ کرن توں روک دتا

لہور( پنجابی میڈیاگروپ)لہورہائیکورٹ نے پاکستان تحریک انصاف(پی ٹی آئی)نوں اتوار والے دن مینار پاکستان اُتے جلسہ کرن توں روک دتا اے ۔لہور ہائیکورٹ وچ پی ٹی آئی رہنما حماد اظہر دی دفعہ144دے نفاذ دے خلاف درخواست اُتے سماعت ہوئی، دوران سماعت عدالت نے تحریک انصاف نوں اتواروالے دن مینار پاکستان دے گراونڈ وچ جلسہ کرن توں روک دتا اے۔جسٹس طارق سلیم شیخ نے ریمارکس دیندیاں ہویاں آکھیا کہ تہانوں مل کے معاملے دا حل کڈنا چاہیدا اے،اگر تُسی جلسہ کرنا اے تے پہلے انتظامیہ دے نال بیٹھیں،15دن پہلاں پلان کرن، اینج نہیں ہو سکدا کہ صبح اٹھو تے جلسے دا اعلان کردیون ۔عدالت دا کہنا سی کہ انتظامی معاملات نوں وی ویکھنااے، تُسی آئی جی پنجاب تے چیف سیکرٹری دے نال اج بیٹھین تے میکانزم بنان ۔واضح رہے کہ پاکستان تحریک انصاف(پی ٹی آئی) دے چیئرمین عمران خان نے اتوار نوں مینار پاکستان لہور جلسہ کرن دا اعلان کیتا سی