جتھیاں نال ملک چلانااے تے سارے ایہی کام کر لیندے ہاں‘ سعد رفیق

لہور(پنجابی میڈیاگروپ)پاکستان مسلم لیگ(ن)دے سینئررہنماووفاقی وزیرریلویزخواجہ سعدرفیق نے تحریک انصاف نوں پاکستان کی آر ایس ایس قرار دیندیاں ہویاں آکھیا اے اگر 2،5 دے جتھیاں نال ملک چلانا اے تے سارے ایہی کم کر لیندے ہاں ، ایہ کیہڑا مشکل کم اے،زمان پارک وچ پلس نال جیہڑی مار پیٹ کیتی گئی اے وفاقی حکومت اپنی حدود وچ رہندیاں ہویاں اوس دا نوٹس لئے گی ، گلگت بلتستان دی موجودہ حکومت بارے ساڈی کوئی سوچ نہیں سی لیکن ہُن سوچ رہے ہاں ،اوہناں دا علاج کیتا جائے ،ریاست نال چھیڑ خانی کرن گے،ریاست دے دتے وسائل نوں ریاست خلاف استعمال کرن گے ،صوبائی منافرت پھیلان دی کوشش کرن گے تے اوس دی قیمت ادا کرنی چاہیدی اے ،ایس اُتے غور ہو رہیا اے سیاسی طور اُتے سوچ رہے ہاں کیہ کرنا اے ،عمران خان نوں عدالت تے جانا پئے گا سر دے بل وی کھڑے ہو جان عدالت لے جایا جائے گا ،اگے عدالت دی ذمہ داری اے اوس نوں رکھدی اے پھڑدی اے یا چھڈ دی اے ،اگلی تریخ دتی اے ایس نال ساڈا کوئی لینا دینا نہیں ،عمران خان نوں پُتر تے اوس دے بت نوں دیوتا بنان لئی مستند سیاسی قیادت دے منہ کالے کیتے گئے ،کرپشن دے الزام وچ جیلاں وچ سُٹیا گیا،اج پوری ریاست ایس نوں بھگت رہی اے ،ایہ اوہناں داکیتا دھیریا اے جیہڑے ہر 10توں12ورھیاں بعد نوا تجربہ کردے نیںجنہاں دے تجربیاں دے شوق پورے نہیں ہُندے تے22کروڑ پاکستانی اوس نوں بھگت رہی اے