ایٹمی پروگرام مکمل محفوظ ہوناچنگی گل اے،شیح رشید

اسلام آباد(پنجابی میڈیاگروپ)عوامی مسلم لیگ دے سربراہ تے سابق وفاقی وزیر داخلہ شیخ رشید احمد نے آکھیا اے کہ ایٹمی تے میزائل پروگرام مکمل محفوظ تے دبا توں پاک ہون دا بیان انتہائی چنگی گل اے،قوم جان دے سکدی اے،اثاثیاںاُتے سمجھوتا نہیں کرسکدی۔سماجی رابطے دی ویب سائٹ ٹوئٹراُتے شیخ رشید احمد نے لکھیا کہ لہور وچ سیاسی محول بوہت کشیدہ اے جس نال پورا صوبہ متاثر اے،چوراں تے چوکیداراں وچ کَدی صلح نہیں ہوسکدی،آئین دے مطابق90دناں وچ الیکشن کروان دا حکم سب لئی اے۔اوہناں نے آکھیا کہ دوست ملکاں موجودہ حکومت نوں سمجھدے نیں ایس لئی6ارب ڈالر دی یقین دہانی نہیں کرا رہے تے آئی ایم ایف سٹاف لیول معاہدہ نہیں کررہیا،حکمران بجلی، پٹرول، گیس دے نرخ ودھا رہے نیں۔