بھارت مذاکرات لئی سازگار محول بنائے، بلاول بھٹو

اسلام آباد(پنجابی میڈیاگروپ)وزیرخارجہ بلاول بھٹو زرداری نے آکھیا اے کہ پاکستان بھارت دے نال نال کشمیر سنے ساریاں تنازعیاں دے سنجیدہ حل دی خواہش رکھ دا اے ، بھارت نوں مذاکرات لئی سازگار محول بنانا ہوئے گا۔اک بیان وچ بلاول بھٹو زرداری نے آکھیا کہ بھارت مسئلہ کشمیراُتے گل بات نال راہِ فرار اختیار کرن دی کوشش کر رہیا اے تے بھارتی حکومت کشمیر نوں دنیا دے نقشے توں مٹان لئی ہتھکنڈیاں اُتے اُتر آئی اے۔افغانستان بارے گل بات کردیاں ہویاں وزیر خارجہ نے آکھیا کہ افغانستان وچ عدم استحکام تے عدم تحفظ دی فضا خطے لئی تشویش دا باعث اے،بین الاقوامی برادری افغانستان نوں بحراناں توں کڈن لئی عبوری حکومت نال مذاکرات کرے۔اوہناں نے آکھیا کہ افغانستان وچ قائم عبوری حکومت گل بات لئی محول سازگار بنائے۔