عمران خان نوں سیاست کرن لئی نعش چاہیدی اے،شاہد خاقان

کراچی(پنجابی میڈیاگروپ)پاکستان مسلم لیگ ن دے سینئر رہنما تے سابق وزیراعظم شاہد خاقان عباسی نے آکھیا اے کہ بزدل شخص گھر وچ بیٹھیا ہویا اے، عمران خان نوں سیاست کرن لئی نعش چاہیدی اے حکومت اوہناں نوں نعش دینا نہیں چاہندی۔میڈیا نال گل کردیاں ہویاں سابق وزیراعظم شاہد خاقان عباسی نے آکھیا کہ چیئرمین تحریک انصاف خود دُوجیاں دی گرفتاری دے دعوے کردے سن، عدالت نے اوہناں نوں کئی وار نہ آن اُتے آرڈر جاری کیتے ، اگر ملک دا سابق وزیراعظم عدالت دے آرڈر نہیں منے گا تے کل نوں کوئی نہیں منے گا ۔ اوہناں نے آکھیا کہ عمران خان فاشسٹ نظام پہلاں وی چلاندے رہے اج وی چلان دی کوشش کر رہے نیں، عمران خان کہندے نیں کہ مینوں کوئی تکلیف نہ ہوئے ، سیاسی لیڈر نوں تکلیف برداشت کرنی پیندی اے، جیلاں وی کٹنیاں پیندیاں نیں۔