غریب عوام دی کسی نوں فکر ہی نہیں‘حافظ سعد حسین رضوی

لہور( پنجابی میڈیاگروپ)امیر تحریک لبیک پاکستان حافظ سعد حسین رضوی نے آکھیا اے کہ ملک سیاسی انتشار دا شکار غریب عوام دی کسی نوں فکر ہی نہیں،سیاستداناں دی ساری توجہ توشہ خانہ، کال ریکارڈنگ تے اک دُوجے دی کردار کشی اُتے مبذول اے، ڈالر دی قیمت وچ ودھا روپے دے قدر گھٹ تے پٹرول دیاں قیمتاں اُتے ودھا اینج دے اقدام نیں جنہاں نال ہر فرد تے شعبہ ہائے زندگی متاثر ہُندا اے، ایس دے نتیجے وچ ہر چیزدی قیمت ودھ جاندی اے،لوئر مڈل کلاس تے غریب افراد دیاں مشکلاں بے پناہ ودھ گئیاں نیں۔ اوہناں نے اپنے جاری کردہ بیان وچ آکھیا کہ روزانہ دی بنیاد اُتے شیواں دے ریٹ وَدھ ہو رہے نیں، آٹا، چینی، دالاں، سبزیاں تے روزمرہ استعمال دی ہور شیواں دے ریٹ آسمان نال گلاں کر رہے نیں،جان بچان والی دوایاں دے بے قابو ریٹ نال عوام مسلسل ذہنی پریشانی تے کرب وچ مبتلا اے، بجلی، گیس، پٹرول دیاں قیمتاں عوام نوں پہلاں ہی حیران و پریشان کیتیاں ہویاں نیں۔