امپورٹڈ سرکار نے ہر قیمت الیکشن توں فراری دا منصوبہ کرلئیا اے، شیخ رشید

پنڈی(پنجابی میڈیاگروپ)سربراہ پاکستان عوامی مسلم لیگ تے سابق وفاقی وزیر داخلہ شیخ رشید احمد نے آکھیا اے کہ رات دے اندھیرے وچ پی ٹی آئی کارکناں دی بغیر وارنٹ گرفتاری تے اوہناں اُتے تشدد دی مذمت کردا ہاں ۔ سماجی رابطے دی ویب سائٹ ٹوئٹر اُتے اپنے ویڈیو پیغام وچ شیخ رشید احمد دا کہنا سی کہ رات12 وجے دے بعد پنڈی دی پلس 70 توں 80 ورکراں نوں گرفتار کر کے لے گئی اے، میں سیاسی ورکراں نوں پلس ولوں تشدد دا نشانہ بنائے جان دی پر زور مذمت کردا ہاں ۔ اوہناں نے آکھیا کہ ایہ ظلم، بربریت تے انتہا پسندی اے، اوہناں نے ہر قیمت اُتے الیکشن توں فراری دا فیصلہ کر لیا اے تے تحریک انصاف دے خلاف زبردست کریک ڈان شروع کر دتا اے لیکن ساڈے حوصلے اُچے نیں، ساڈے جذبے اُچے نیں، ساریاں گرفتاریاں دی پرزور مذمت کردا ہاں۔سابق وزیر دا کہنا سی کہ اسیں کل دے جلسے نوںاک تریخی جلسہ بناواں گے، پی ٹی آئی ورکر تے اپنے لوکاں توں آکھاں گا کہ احتیاط ورتن، پاکستان، عمران خان، اثاثیاں دے دفاع لئی دل و جان دی بازی لان لئی تیار ہو جان،