مینار پاکستان جلسہ ، عوامی ریفرنڈم نے فیصلہ سُنا دتا: پرویز الٰہی

لہور(پنجابی میڈیا گروپ)پاکستان تحریک انصاف دے مرکزی صدر و سابق وزیراعلی پنجاب چودھری پرویز الہی دا کہنا اے کہ مینار پاکستان جلسے دے عوامی ریفرنڈم نے عمران خان دے حق وچ فیصلہ سنا دتا اے ۔ سابق وزیراعلی پنجاب چودھری پرویز الہی نے اک بیان وچ آکھیا اے کہ عمران خان ایس ویلے پاکستان دے سب توں مقبول ترین لیڈر نیں، لہور دے جلسے نال مخالفاں دیاں چنگی طرح اکھاں کھل گئیاں ہون گیاں،نگران حکومت ، پی ڈی ایم نے جلسے دے رستے وچ ہر رکاوٹ کھڑی کیتی لیکن عوام فی وی مینار پاکستا ن پہنچی ، مینار پاکستان اُتے عوام نے فیصلہ سُنا دتا کہ اوہ آئین پاکستان دے نال کھڑے نیں۔اوہناں نے ہور آکھیا کہ شہباز شریف سن لین الیکشن توں راہ فرار ممکن نہیں، صدر مملکت نے شہباز شریف دے خلاف آئینی چارج شیٹ فریم کیتی اے ، جوابی خط نال کجھ نہیں ہوئے گا، حکمراناں نوں آئین توں انحراف دا سپریم کورٹ سامنے جواب دینا ہوئے گا۔