سازش دا سفر امریکاتوں شروع ہو کے آئی جی اسلام آباداُتے آگیا،خواجہ آصف

سیالکوٹ (پنجابی میڈیا گروپ)وزیر دفاع خواجہ محمد آصف نے آکھیا اے کہ سازش دا سفر امریکا توں شروع ہویا، بعد وچ محسن نقوی، آئی جی پنجاب تے فیر آئی جی اسلام آباد اُتے آگیا۔اک انٹرویو وچ اوہناں نے آکھیاکہ نواز شریف چھیتی آرہے نیں ،تریخ نہیں دیاں گا، واپس آن دے بعد بوہت بہتری ہوئے گی۔اوہناں ہوراکھیا کہ پی ڈی ایم جَد توں بنی اے، تَد توں اسیں کوئی ایسی گل نہیں کیتی جیہڑی آئین دے خلاف ہوئے ، تباہ حال ساہنوں معیشت ملی اوس نوں بہتر کرن وچ ویلا لگے گا ۔ وزیر دفاع نے آکھیا کہ کرپشن نال سیلاب ونگوں سارا ملک ڈوبیا ہویا اے، پوری کوشش کر رہے ہاں معیشت اپنے پیراں اُتے کھڑی ہوجائے تے اسیںکرپشن اُتے قابو پالئے ۔اوہناں نے آکھیا کہ ایہ اوہ مافیا اے جس نے4ورھے پاکستان نوں لٹیا تے ہُن احتساب توں بچنا چاہندے نیں۔خواجہ آصف نے آکھیا کہ عمران خان چاہندا اے دوبارہ اقتدار ملے، خاندان سنے کرپشن کرن دا موقع ملے، عمران خان دا بیانیہ ہُن نہیں چلنا۔