مریم نواز دے اثاثیاں دی تفصیل منظر عام اُتے آگئی

لہور (پنجابی میڈیاگروپ)پاکستان مسلم لیگ (ن) دی سینئر نائب صدر و چیف آرگنائزر مریم نواز دے اثاثیاں دی تفصیل منظر عام اُتے آگئی ۔ سینئر نائب صدر مسلم لیگ (ن) مریم نواز نے مالی اثاثیاں دی تفصیل اپنے کاغذات نامزدگی دے نال الیکشن کمیشن وچ جمع کروائی ۔میڈیا رپورٹ مطابق الیکشن کمیشن وچ جمع کروائی گئی دستاویزات دے مطابق مریم نواز مجموعی طور اُتے 84کروڑ 25لکھ روپے توںوَدھ اثاثیاں دی مالک نیں جدکہ2کروڑ89لکھ روپے توںوَدھ دی مقروض نیں، مریم نواز نے ایہ قرض اپنے بھائی حسن نواز توں لے رکھیا اے، اوہناں دے شوہر کیپٹن (ر) صفدروی دوستاں دے 6کروڑ روپے دے مقروض نیں ۔دستاویزات دے مطابق مریم نواز رائیونڈ دے علاقے وچ 1ہزار 400کنال توں وَدھ اراضی دی مالک نیں، اوہناں دی باہر دے ملک کوئی جائیداد نہیں، مریم نواز نے 3ورھیاں وچ 1کروڑ 90لکھ روپے توں وَدھ زرعی آمدنی ظاہر کیتی اے، اوہناں نے3ورھیاں وچ زرعی اراضی توںآمدنی اُتے 12لکھ روپے توںوَدھ ٹیکس ادا کیتا،حدیبیہ پیپر ملاں وچ 54لکھ69ہزار روپے توں وَدھ دے شیئرز خرید رکھے نیں۔