ججاں نوں اپنی رائے پبلک نہیں کرنی چاہیدی سی،شاہ محمود قریشی

اسلام آباد(پنجابی میڈیاگروپ)پاکستان تحریک انصاف دے رہنما سابق وزیر خارجہ شاہ محمود قریشی نے ازخود نوٹس اُتے سپریم کورٹ دے 2ججاں دے فیصلے اُتے ردعمل دیندیاں آکھیا اے کہ ججاں نوں اپنی رائے تے نوٹس پبلک نہیں کرنے چاہیدے سن۔اک انٹرویو وچ شاہ محمود قریشی نے آکھیا کہ ججاں نوں اپنی رائے تے نوٹس پبلک نہیں کرنے چاہیدے سن ایس نال ادارے دی کوئی بھلائی نہیں ہوئی اوس توں اجتناب کیتا جاندا تے بہتر ہُندا ۔ اوہناں نے آکھیا کہ ججاں دے فیصلے بولدے نیں جَد اوہ خود بولدے نیں تے دلائل ٹھوس نہیں رہندے۔شاہ محمود نے آکھیاکہ مریم نواز تے رانا ثناء اللہ دے بیان توں ظاہر ہُندا اے کہ اوہناں دے منصوبے نکام ہوگئے، تحریک انصاف دا ووٹ جہانگیر ترین نوںنہیں جائے گا، عوام عمران خان دے نال کھڑی اے۔