عمران خان نوں جانوں مارن دی دھمکی اک سیاسی گل سی،رانا ثناء اللہ

گوجرانوالہ(پنجابی میڈیاگروپ)وفاقی وزیر داخلہ رانا ثناء اللہ نے اپنے بیان دی وضاحت دیندیاں ہویاں آکھیا اے کہ اوہناں نے عمران خان نوں جانوں مارن دی دھمکی نہیں دتی، اک سیاسی گل کیتی سی، چاروں صوبائی اسمبلیاں تے قومی اسمبلی دے الیکشن اک نال ہون گے،صوبیاں وچ نگران سیٹ اپ بغیر ہون والے الیکشن دے نتجے نوں کوئی تسلیم نہیں کرے گا، اینج دے الیکشن ملک وچ افرتفری دا سبب بنن گے۔ میڈیا نال گل بات کردیاں ہویاں وفاقی وزیر داخلہ رانا ثناء اللہ نے آکھیا کہ میں نے عمران خان دے سیاسی وجود دی گل کیتی سی، سیاست دان سیاسی گل ہی کردا اے۔وفاقی وزیر داخلہ نے آکھیا کہ چاروں صوبائی اسمبلیاں تے قومی اسمبلی دے الیکشن اک نال ہون گے، صوبیاں وچ نگران سیٹ اپ دے بغیر ہون والے الیکشن دے نتجے نوں کوئی تسلیم نہیں کرے گا، اینج دے الیکشن ملک وچ افرتفری دا سبب بنن گے۔