شریف ،زرداری خانداناں ہمیشہ ملک نوں تقسیم کیتا ‘ مسرت جمشید چیمہ

لہور( پنجابی میڈیاگروپ) پاکستان تحریک انصاف دی مرکزی رہنما مسرت جمشید چیمہ ہوراںآکھیا اے کہ شریف تے زرداری خانداناں نے ہمیشہ ملک وچ تقسیم پیدا کر کے حکمرانی کیتی اے ،مریم صفدر نے اداریاں خصوصاً عدلیہ دے خلاف جیہڑی مہم شروع کر رکھی اے پوری قوم اوس نوں نکام بنائے گی ، پی ڈی ایم ٹولہ آخر کَدوں تک نظام نوں اپنے تابع رکھے گابالآخر ویلا کروٹ لئے گا تے سارا ٹولہ قنون دے کٹہرے وچ آئے گا۔ اپنے بیان وچ مسرت جمشید چیمہ نے آکھیا کہ حکمران ٹولہ ایس گل توں خوفزدہ اے کہ پاکستانی قوم کِنج بن گئی اے ، اوہناں وچ شعور کِنج آ گیااے جیہرا اج ایہ اپنے حق دا تقاضہ تے آئین و قنون دی حکمرانی دی گل کر رہے نیں ۔ اوہناں نے آکھیا کہ عوام وچ آن والا شعور ہور پختہ ہو رہیا اے ۔