عدالت نے مشکل ویلے بہتر فیصلہ دتا ،شیخ رشید

پنڈی(پنجابی میڈیا گروپ)عوامی مسلم لیگ دے سربراہ تے سابق وزیر داخلہ شیخ رشید نے الیکشن التوا کیس وچ سپریم کورٹ دے فیصلے اُتے رد عمل دیندیاں ہویاں آکھیا اے کہ عدالت نے مشکل ویلے وچ بہتر فیصلہ دتا تے نظریہ ضرورت نہیں بنی ۔ مائیکرو بلاگنگ ویب سائٹ ٹوئٹر اُتے اپنے پیغام وچ سربراہ عوامی مسلم لیگ شیخ رشید نے آکھیا کہ سپریم کورٹ دے اندرکسی نے نہیں آکھیا کہ اسیں بائیکاٹ کرنا چاہندے نیں،سب دلائل دینا چاہندے سن،85رکنی کابینہ دا جمعہ بازار سپریم کورٹ دا فیصلہ مسترد نہیں کرسکدا،شہباز حکومت نااہلی یا انارکی وچوںاک لئی تیار ہوجائے۔اوہناں نے آکھیا کہ 100پیاز وی کھاون گے 100لتر وی کھان گے تے عدلیہ دا فیصلہ وی ماناں گے، عدلیہ خود آئین دے تابع اے، ملک دے سارے ادارے عدلیہ دے تابع نیں، عوام دا نام ریاست اے، عدلیہ دا فیصلہ نہ منیا تے گلی کوچے وچ بغاوت ہوئے گی۔