الیکشن ویلے اُتے ہی ہوون گے، مریم نواز

پنڈی (پنجابی میڈیا گروپ)پاکستان مسلم لیگ (ن) دی چیف آرگنائزر مریم نواز نے آکھیا اے کہ الیکشن ویلے اُتے ہون گے، اقلیتی فیصلہ تے فیصلہ ہی نہیں ہُندا اوس نوں مننا کیسا؟اسیں وی آئین ونگوں کہندے ہاں کہ الیکشن ویلے اُتے ہون گے، الیکشن وچ عمران خان ہار جان گے فیر رون گے، الیکشن نوں نہیں مناں گے تے کہن گے شہباز، نواز، مریم، محسن نقوی تے رانا ثنا نے ہروایا،عدلیہ وچ کسی آمر نوں کٹہرے وچ لیان دی جرات نہیں،تہاڈا صرف عوام دے وزیر اعظم اُتے چلدا اے؟جسٹس شوکت عزیز صدیقی نے جنرل فیض ہتھوں یرغمال بنن توں انکار کردتا ،اوہناں دا کیس اجے تک سپریم جوڈیشل کونسل وچ لٹکیا ہویا اے، چیف جسٹس صاحب تہانوں اوس ویلے وی جذباتی ہونا چاہیدا سی،تہانوں اوس ویلے جذباتی ہونا چاہیدا سی جَد منتخب وزیراعظم نوں کَڈیا گئیا،الیکشن بارے مقدمہ عمران خان تے پی ڈی ایم دا سی، صرف پی ٹی آئی نوں سُنیا گیا، جیہڑے مقبول لوگ ہُندے نیں اوہناں نوں 3یا 4 ججاں دی لوڑ نہیں پیندی، عمران خان، سہولت کاراں نے اگلے چیف جسٹس دے آن توں پہلاں دی ٹائم لائن بنا رکھی اے،ڈردے نہیں، توہین عدالت لانی اے تے لادیو،صاف تے شفاف فیصلے ہون گے تے توہین نہیں ہوئے گی،عمران خان دی ذاتی زندگی نال مینوں کوئی سروکار نہیں،تُسی اپنی بیٹی نوں ظاہر نہیں کیتا، قوم نال جھوٹ بولیا اے حساب ہوئے گا، اک وزیراعظم نوں اقامہ اُتے کَڈیا جاسکدا اے تے اگلے امیدوار وزیراعظم نوں اینہاں وڈا جھوٹ بولن اُتے کڈیانہیں جاسکدا،جنہاں دے کوئی اصول نہیں ہُندے، کوئی مشن نہیں ہُندا، اصول مؤقف نہیں ہُندااوہ چارپائی تھلوں نہیں نکلدے،عمران سب دے نام لئے گا ، فیض دا نام نہیں لئے گا۔ بدھ نوں ایتھے مسلم لیگ (ن) دے وکلا ء کنونشن نال خطاب کردیاں ہویاں رہنما مسلم لیگ (ن) نے آکھیا کہ ساڈے کول اوہ ٹرک نہیں جیہڑا فواد چوہدری کول اے، ن لیگ کول رانا ثناء اللہ ، عطا تارڑ، طلال چوہدری تے محسن رانجھا وَرگے وکیل موجود نیں۔اوہناں نے آکھیاکہ عمران خان تے اوہناں دے سہولت کاراں نے اک ٹائم لائن رکھی ہوئی اے کہ ستمبر وچ اگلا چیف جسٹس آنا اے تے اوس توں پہلاں پہلاں جیہڑی سہولت کاری کرنی اے کرلوو، پوری قوم ایہ تماشہ ویکھ رہی اے۔اوہناں نے آکھیاکہ پاکستان دی 76 سالہ تریخ وچ40 ورھے آمریت رہی اے، کسی منتخب وزیراعظم نے اپنی مدت کَدی پوری نہیں کیتی، 4 ڈکٹیٹر آئے جنہاں نے دھونس نال 10، 10 ورھے اقتدار وچ رہے لیکن کَدی کسی عدالت نے کسی آمر سامنے کھڑے ہون دی جرات نہیں کیتی، طاقت آگے وی سر جھکایا، آمراں اگے وی سر جھکایا۔