ساہنوں عدلیہ دی حمایت لئی سڑکاں اُتے نکلن لئی تیار رہنا ہوئے گا‘عمران خان

لہور(پنجابی میڈیاگروپ) پاکستان تحریک انصاف دے چیئرمین و سابق وزیر اعظم عمران خان نے آکھیا اے کہ عدالت نظریہ ضرورت نوں خیر باد کہندیاں ہویاں آئین دے ساتھ کھڑی اے، ساہنوں عدلیہ دی حمایت وتحفظ دی خاطر پرامن احتجاج لئی سڑکاں اُتے نکلن لئی تیار رہنا ہوئے گا۔ اوہناں نے سماجی رابطے دی ویب سائٹ ٹوئٹر اُتے جاری اپنے بیان وچ آکھیا کہ عدالت عظمیٰ آئین دے نال کھڑی تے نظریہ ضرورت ورگے قنون دی حکمرانی نوں پس پشت پا کے بروئے کار لیایاجاندااے ،نوں خیربادکہہ چکی اے۔حقیقی آزادی ول بلاشبہ ایہ اک وڈھا قدم اے۔اوہناں نے آکھیا کہ عدالت عظمی دے حکم دے باوجود مقتدر مافیاالیکشن نہیں کروائے گا کیونکہ ایہ گروہ شکست توں بے حدخوفزدہ اے۔ساہنوں دستور نوں بالادست رکھن والی اپنی عدلیہ دی حمایت وتحفظ خاطر پُرامن احتجاج لئی سڑکاں اُتے نکلن لئی تیار رہنا ہوئے گا ۔ عمران خان نے اک ہور ٹوئٹ وچ آکھیا کہ اک وار فیرخاص طور اُتے ماہِ مقدس (رمضان المبارک)دے دوران اسرائیلی فوجیاں دے مسجداقصی وچ نمازیاں اُتے حملے دی شدید مذمت کرداہاں۔