وفاقی کابینہ سپریم کورٹ دا فیصلہ مسترد نہیں کرسکدی ‘ حماد اظہر

لہور( پنجابی میڈیاگروپ) پاکستان تحریک انصاف وسطی پنجاب دے جنرل سیکرٹری حماد اظہر ہوراں آکھیا اے کہ وفاقی کابینہ سپریم کورٹ دے فیصلے نوں مسترد نہیں کرسکدی ، جیہڑے سرکاری افسر عدالت عظمیٰ دے فیصلے اُتے عمل نہیں کرے گا اوہ بغاوت دا مرتکب ہون گے انسداد دہشتگردی دی خصوصی عدالت وچ پیشی اُتے گل کردیاں ہویاں حماد اظہر نے آکھیا کہ سپریم کورٹ توں جیہڑا فیصلہ آیا اے اوس نے آئین نوں بحال کیتا اے تے جمہوریت نوں بچایا اے ۔وفاقی کابینہ سپریم کورٹ دے فیصلے نوں مسترد نہیں کر سکدی ۔ فیصلے اُتے ریاست نے عملدرآمد کرنا اے پی ڈی ایم دے چوراں تے ٹائوٹاں نے عملدرآمد نہیں کرانا ۔ جیہڑاسرکاری افسر سپریم کورٹ دے فیصلے اُتے عمل نہیں کرے گا اوہ بغاوت دا مرتکب ہوئے گا۔