الیکشن کمیشن نے پنجاب وچ الیکشن دا شیڈول جاری کردتا

اسلام آباد (پنجابی میڈیا گروپ)سپریم کورٹ دے حکم دے بعدالیکشن کمیشن نے پنجاب وچ الیکشن دا شیڈول جاری کردتا، پنجاب وچ الیکشن 14 مئی نوں ہی ہون گے۔ بدھ نوں الیکشن کمیشن نے سپریم کورٹ فیصلے دی روشنی وچ پنجاب اندر الیکشن دا شیڈول جاری کردتا جس دے مطابق پنجاب وچ الیکشن14 مئی نوں ہون گے۔ جاری شیڈول مطابق کاغذات نامزدگی وچ اپیلاں دائر کرن دی آخری تریخ 10 اپریل ہوئے گی، اپیلٹ ٹریبونل اپیلاں اُتے فیصلے 17اپریل تک کرے گا، امیدواراں دی نظرثانی شدہ فہرست 18اپریل نوں جاری ہوئے گی، کاغذات نامزدگی واپس لین دی آخری تریخ 19اپریل ہوئے گی، امیدواراں نوں انتخابی نشان 20اپریل نوں جاری ہون گے جدکہ پنجاب وچ الیکشن لئی پولنگ14مئی نوں ہوئے گی۔یاد رہے کہ پچھلے دناں سپریم کورٹ نے پنجاب اسمبلی دے الیکشن 14 مئی نوں کران دا حکم دتا سی۔