شہبازشریف آئین نال کھلی بغاوت دی راہ اُتے ٹُر پئے نیں‘چودھری پرویز الٰہی

لہور(پنجابی میڈیاگروپ)پاکستان تحریک انصاف دے مرکزی صدر و سابق وزیر اعلیٰ پنجاب چودھری پرویز الٰہی نے آکھیا اے کہ شہبازشریف آئین نال کھلی بغاوت دی راہ اُتے ٹُر پئے نیں، لندن توں حکومت دے گاڈ فادر براہ راست ہدایت جاری کر رہے نیں ، پارلیمنٹ الیکشن کمیشن نوں فنڈز فراہم کرن توں انکار نہیں کر سکدی،جیہڑا وی انکار کرے گا اوس اُتے توہین عدالت لگے گی۔ایہہ گلاں اوہناں نے ملاقات کرن والے چودھری ذوالفقار گھمن، چودھری وسیم رامے، عبداللہ یوسف وڑائچ، شجاعت نواز اجنالہ، مہر کاشف، مرزا عزیز بیگ، مظہر راں تے مرزا شمس بیگ نال گل کردیاں ہویاں کیتیاں ۔ چودھری پرویز الٰہی نے آکھیا کہ آئین دی بالادستی قائم رکھن لئی پوری قوم چیف جسٹس دے نال کھڑی اے۔