عوام دی فلاح و بہبود، خوشحالی تے ریلیف لئی کوشش وچ ہاں، وزیراعظم

ڈیرہ غازی خان(پنجابی میڈیا گروپ)وزیراعظم محمد شہباز شریف نے آکھیا اے کہ ملک نوں مشکل حالات تے چیلنجاں دا سامنا اے، عوام دی فلاح و بہبود، خوشحالی تے ریلیف دی فراہمی لئی کوشاں ہاں، اتحادی حکومت ملک نوں مشکلاں توں کَڈے گی، ملک نوں حقیقی معنیاں وچ قائد تے اقبال دے خواباں دا پاکستان بناواں گے۔ بدھ نوں ڈیرہ غازی خان وچ مفت آٹا تقسیم مرکز دے دورہ موقع اُتے گل بات کردیاں ہویاں وزیراعظم نے آکھیا کہ پنجاب وچ وزیراعلیٰ محسن نقوی تے صوبائی حکومت دی نگرانی وچ مفت آٹے دی تقسیم جاری اے، ملک نوں مشکل حالات تے چیلنجاں دا سامنا اے، اتحادی حکومت اپنے قائد میاں نواز شریف دی رہنمائی وچ مل کے اینہاں مشکلاںاُتے قابو پان تے عوام نوں ریلیف دی فراہمی لئی کوشاں اے