اہم شرطاں اُتے پیشگی اقدام کیتے، اسحاق ڈار

اسلام آباد( پنجابی میڈیا گروپ)پاکستان تے آئی ایم ایف دے درمیان ورچوئل میٹنگ اندر وزیر خزانہ اسحاق ڈار نے آکھیا کہ اہم شرطاں اُتے پیشگی اقدامات کیتے، سٹاف لیول معاہدے دے خواہشمند ہاں ۔ وزارت خزانہ مطابق وزیر خزانہ اسحاق ڈار دی آن لائن ڈپٹی ایم ڈی آئی ایم ایف نال میٹنگ ہوئی، سیکرٹری خزانہ حامد یعقوب شیخ تے گورنر سٹیٹ بینک وی رَلتی ہوئے۔اعلامیہ دے مطابق اجلاس وچ پاکستان دی معاشی کارکردگی دا جائزہ لئیا گیا، اسحاق ڈار نے آکھیاکہ حکومت معیشت دی بہتری لئی اصلاحات اُتے عمل پیرا اے، معاہدے اُتے سختی نال عملدرآمد کر رہے ہاں۔اسحاق ڈار نے آکھیاکہ نویں جائزہ لئی اہم شرطاں اُتے پیشگی اقدام کیتے، آئی ایم ایف دے نال سٹاف لیول معاہدے دے خواہشمند ہاں ۔ اجلاس وچ ڈپٹی ایم ڈی آئی ایم ایف نے آکھیا کہ پاکستان دی معاشی کارکردگی نوں سراہندے ہاں، معاہدے لئی پاکستان دیاں کوششاں دی قدر کردی ہاں۔