ملک وچ اَت گردی دی نویں لہر آئی اے،اعظم نذیر تارڑ

اسلام آباد (بیوروروپورٹ)وفاقی وزیر برائے قنون و انصاف اعظم نذیر تارڑ نے آکھیا اے کہ ملک وچ اَت گردی دی نویں لہر آئی اے، افواج پاکستان تے سیکورٹی فورسز اوس نال نمٹن لئی جواں مردی نال لڑ رہی اے، ات گردی پارون ملک وچ اندرونی خلفشار ودھیا اے، قوم نوں متحد ہو کے اَت گردی دے ایس ناسور دے خلاف کھڑا ہونا چاہیدا ۔بدھ نوں سینٹ وچ ملک وچ سیاسی صورتحال تے ات گردی بارے واقعات ودھن بارے تحریک نوں زیربحث لیان اُتے اظہار خیال کردیاں ہویاں آکھیا کہ ملک وچ ات گردی دی نویں لہر آئی اے، افواج پاکستان تے سیکورٹی فورسز اوس نال نمٹن لئی جواں مردی نال لڑ رہی اے، اَت گردی پاروں ملک وچ اندرونی خلفشار ودھیا اے تے ملک نوں بیرونی سطح اُتے وی مسائل دا سامنا اے۔