ملک وچ قنون دی حکمرانی ہوئے گی یا نہیں، فیصلہ عوام نے کرنا اے،شاہ محمود قریشی

اسلام آباد(پنجابی میڈیاگروپ)پاکستان تحریک انصاف دے سینئر رہنما و سابق وفاقی وزیر شاہ محمود قریشی نے آکھیا اے کہ ملک وچ قنون دی حکمرانی ہوئے گی یا نہیں،فیصلہ عوام نے کرنا اے۔اوہناں نے آکھیا کہ کل تریخ اے عدالت نے ویلا دتا ہویا اے،اسیں عدالت وچ پیش ہواں گے، اسیں آئین ،رول آف لا دے نال کھڑے ہواں گے،اسیں سپریم کورٹ دے فیصلے دے نال کھڑے ہواں گے۔شاہ محمود قریشی نے آکھیا کہ اوتھے رنگ بازی ہورہی اے، اوہ اپنا مطلب اخذ کردے نیں، جیہڑا فیصلہ ہویا ہی نہیں ہُندا اوہ سنا دیندے نیں ، قوم نوں گمراہ کردے نیں، اگر اوہناں نوں الیکشن چاہیدے ہُندے تے ایہ فنڈز ریلیز کردیندے، اوہ الیکشن ہرگز نہیں چاہندے۔