آئندہ پارٹی ٹکٹ بہترین کارکردگی اُتے ہی ملے گا،مریم نواز

لہور(پنجابی میڈیا گروپ)پاکستان مسلم لیگ(ن)دی سینئرنائب صدروچیف آرگنائزرمریم نوازشریف نے الیکشن دیاں تیاریاں دے سلسلہ وچ گھر گھر الیکشن مہم شروع کرن دی ہدایت کردیاں ہویاں آکھیا اے کہ آئندہ پارٹی ٹکٹ بہترین کارکردگی اُتے ہی ملے گا،عورتاں نوں بااختیاربنانا تے قومی ترقی دے عمل وچ اوہناں نوںشامل کرنا مسلم لیگ دے منشوردا حصہ اے ۔پچھلے دناںمریم نواز نال خواتین ونگ لہوردی صدرسعدیہ تیمور نے ملاقات کیتی۔ایس موقع اُتے پارٹی امور وچ عورتاں دے کردارنوں ہور فعال بنان تے تنظیم سازی دے حوالے نال معاملات دا جائزہ لئیا گیا۔سعدیہ تیمور نے ٹریننگ سیشن تے پارٹی دی تنظیم سازی دے حوالے نال رپورٹ پیش کیتی۔مریم نواز نے گل بات کردیاں ہویاں اکھیا کہ آئندہ پارٹی ٹکٹ بہترین کارکردگی اُتے ہی ملے گا،خواتین مسلم لیگ(ن)داہراول دستہ نیں جیہڑا ہمیشہ پارٹی قائدنوازشریف تے ہورقیادت دے نال شانہ بشانہ اگے ودھے نیں۔