سمندری طوفان دا کراچی توں رُخ تبدیل

کراچی(پنجابی میڈیا گروپ)سمندری طوفان بائپر جوئے نے رخ بدل لئیا اے جس دے بعد کراچی توں اُس دا فاصلہ وَدھ کے370کلومیٹر دور ہوگیا لیکن کیٹی بندرتے ٹھٹہ توں اوس دی مسافت گھٹ ہوئی اے، کسی وی قسم دے ناخوشگوار حالات نال نمٹن لئی پاک فوج دے حفاظتی دستے علاقیاں وچ موجود نیں۔محکمہ موسمیات نے سمندری طوفان دے حوالے نال20واں الرٹ جاری کردتا، جس دے مطابق طوفان کراچی توں دور ہون لگیا تے ہُن اوس دا فاصلہ370کلومیٹر ریکارڈکیتا گیا اے جدکہ ٹھٹھہ توں فاصلہ355تے کیٹی بندرتوں290کلومیٹر ریکارڈ کیتا گیا اے۔الرٹ دے مطابق شدید نوعیت دے سمندری طوفان بائپر جوئے دی شمال مشرق ولوں پیش قدمی جاری اے، طوفان دے مرکز وچ ہواواں180کلومیٹر فی گھٹہ دی رفتار نال چل رہیاں نیں جدکہ اطراف وچ30فٹ تک اُچیاں لہراں اُٹھ رہیاں نیں۔ محکمہ موسمیات دے الرٹ وچ اکھیاگیا اے کہ15جون دی شام دے بائپرجوئے کیٹی بندر تے بھارتی گجرات نال ٹکران دے امکانات نیں۔