جیل توں رہائی بعد عمران خان نال ملنے والے27پی ٹی آئی کارکن گرفتار

لہور(پنجابی میڈیا گروپ) لہور پلس نے رہائی بعد چیئرمین پاکستان تحریک انصاف عمران خان نال ملن والے27کارکناں نوں گرفتار کرکے نامعلوم مقام اُتے منتقل کردتا ۔ پنجاب دے مختلف ضلعیاں توں پی ٹی آئی کارکن جیلاں توں رہائی دے بعد چیئرمین نال ملن زمان پارک پہنچے سن۔کارکن ملاقات دے بعد واپس جان لگے تے مختلف علاقیاں وچ لگے ناکیاں اُتے پلس نے اوہناں نوں گرفتار کرلئیا،فہرست مطابق گرفتار کارکناں وچ زیادہ تردا تعلق ضلع قصور،لہور، گوجرانوالاتے سرگودھا توں اے۔پلس ذرائع دے مطابق گرفتار کارکناں نوں اجے تک کسی مقدمے وچ نامزد نہیں کیتا گیا ۔خیال رہے کہ ایس مہینے دے شروع وچ لہور ہائی کورٹ نے لہورسنے پنجاب دے11ضلعیاں وچ پاکستان تحریک انصاف دے کارکناں دی نظر بندی کالعدم قرار دیندیاں ہویاں ساریاں افرادنوں فوری طوراُتے رہا کرن دا حکم دتا سی۔