پاک فوج تے نگران حکومت دے کیتے گئے اقدام ، سونا سستا ، روپیہ تگڑا ہوگیا

ڈالرگھٹ ،پاکستانی روپے نے ستمبر وچ عالمی سطح اتے بہترین کارکردگی والی کرنسی دااعزاز حاصل کیتا
اسلام آباد (بیوروروپورٹ)پاک فوج تے نگران حکومت دی ملکی معیشت وچ بہتری لئی کیتے گئے اقداماں دے ثمرات سامنے آن لگے۔اینہاں اقداماں دے پیش نظر ذخیرہ اندوزاں دے خلاف کریک ڈاون روپے دی قدرو ڈالر وچ کمی دا باعث اے، پاکستانی روپے نے ستمبر وچ عالمی سطح اتے بہترین کارکردگی والی کرنسی دا اعزاز حاصل کیتا ۔حالیہ روپے دی قدر امریکی ڈالر دے مقابلے وچ7 ہفتے دی اچی ترین سطح اتے اے، روپیہ ڈالر دے مقابلے وچ 0.35 فیصد یا 1.01روپے اضافے دے نال 287.74 روپے اتے بند ہویا۔پاکستان وچ سونے دی قیمت وچ ستمبر دے آخری ہفتے مسلسل دوجے سیشن وچ نمایاں کمی ویکھی گئی۔ایف بی آر دے مطابق پچھلے 7 مہینیاں وچ ریکارڈ 2407 ارب روپے اکٹھے کیتے گئے، ایہ پچھلے سال دے 2062 ارب روپے دے مقابلے وچ 17 فیصدودھ اے۔