سیالکوٹ دی اکانومی نوں موٹروے نے بریک تھرو دتا،خواجہ آصف

سیالکوٹ( پنجابی میڈیا گروپ)سابق وزیر دفاع خواجہ آصف نے آکھیا کہ سیالکوٹ دی اکانومی نوں موٹر وے نے بریک تھرو دتا۔سابق وزیر دفاع خواجہ آصف نے نجی فیکٹری وچ منعقدہ تقریب نال خطاب کردیاں ہویاں آکھیا کہ صوفی خورشید مرحوم نے انڈسٹری وچ اہم کردار ادا کیتا، 2001 وچ آکھیا سی کہ سیالکوٹ ٹیکسٹائل انڈسٹری وَل جائے گا، بھارت 133بلین دی آئی ٹی دی ایکسپورٹ کر رہیا اے، سعودیہ 113 بلین دا تیل ایکسپورٹ کر رہیا اے۔خواجہ آصف نے آکھیا ایس شہر دی اکانومی وچ پچھلے 75 ورھیاں توں موٹروے نے بریک تھرو دتا، موٹروے دی تعمیر نال انڈسٹری نوں فائدہ حاصل ہویا اے، ایہ موٹروے اسلام آباد تک جائے گی، سٹرکاں دی تعمیر نال بنیادی مسائل حل ہُندے نیں، سیال ایئرلائن کامیابی دے رستیاں اُتے گامزن اے۔