فلسطینی تے کشمیری اپنا حق منگ رہے نیں، چیف جسٹس آزاد کشمیر

گجرات(پنجابی میڈیا گروپ)چیف جسٹس آزاد جموں کشمیر راجہ سعید اکرم نے آکھیا کہ فلسطینی تے کشمیری دونوں اپنا حق منگ رہے نیں۔چیف جسٹس آزاد جموں کشمیر راجہ سعید اکرم نے گجرات وچ میڈیا نال گل بات کردیاں ہویاں آکھیا کہ فلسطین تے کشمیر دے لوکاں دا کیس اک جیہا اے، پاکستان دا ہمیشہ توں فلسطین بارے واضح موقف اے، فلسطین دی وَِکھ ریاست ہونی چاہیدی، فلسطین دی جنگ داواحد حل وی وَِکھ ریاست دا قیام ہی اے۔چیف جسٹس راجہ سعید اکرم نے آکھیا کہ بھارتی جارحیت دا مقابلہ کشمیری کر رہے نیں، بھارتی جارحیت نوں روکن وچ ساڈھی پاک فوج دا اہم کردار رہیا اے، کشمیری کنٹرول لائن اُتے پاکستانی سولجر داکردار ادا کررہے نیں، کشمیری جس بربریت دا شکار نیں اپنی جدوجہد وچ کامیاب ہون گے۔راجہ سعید اکرم نے ہور آکھیا کہ اک ویلا آئے گا کشمیری بہن بھائی اپنی آزادی حاصل کرن وچ کامیاب ہون گے، 75 ورھیاں توں جاری کشمیریاں دی جدوجہد ہُن چھیتی انشا اللہ رنگ لیائے گی۔