نگران وزیر اطلاعات مرتضی سولنگی نال روسی سفیر دانیلا گینیچ دی ملاقات

اسلام آباد( پنجابی میڈیا گروپ)نگران وفاقی وزیر اطلاعات مرتضی سولنگی نال پاکستان وچ تعینات روس دے سفیر دانیلا گینیچ نے ملاقات کیتی، ملاقات وچ دوناں ملکاں دی وچکار میڈیا سنے مختلف شعبیاں وچ تعاون اُتے تبادلہ خیال کیتا گیا، روسی وزیر اطلاع دے دورہ پاکستان بارے وی گل بات ہوئی۔نگران وفاقی وزیر اطلاعات مرتضی سولنگی نے آکھیاکہ روسی وزیر اطلاعات نوں دورہ پاکستان دی باضابطہ دعوت دتی جائے گی، روسی وزیر اطلاعات دے دورہ دے موقع اُتے اے پی پی تے طاس نیوز ایجنسی، پی ٹی وی تے روسی ٹیلی ویژن تے روسی ریڈیو ریڈیو پاکستان دے وچکار ممکنہ معاہدیاں اُتے وی گل بات ہوئی۔مرتضی سولنگی نے آکھیا کہ ملاقات وچ دوناں ملکاں دے رابطے، سلامتی، معیشت، تعلیم، ثقافت تے سیاحت سنے مختلف شعبیاں وچ تعلقات نوں مضبوط بنان دے عزم دا اظہار کیتا گیا، نگران وفاقی وزیر اطلاعات نے پاکستان تے روس دیدرمیان میڈیا، ڈرامہ، فلماں، سانجھے پروڈکشن تے تربیتی پروگراماں سنے مختلف شعبیاں وچ تعاون نوں وسعت دین دی لوڑ اُتے زور دتا۔