آئین تے قنون چیف جسٹس دیاں خواہشاں دے تابع نہیں، قاضی فائز عیسی

اسلام آباد(پنجابی میڈیا گروپ) چیف جسٹس پاکستان نے پروسیجر ایکٹ خلاف دائر درخواستاں دی سماعت وچ ریمارکس دتے کہ پارلیمنٹ نے چنگی نیت نال قانون سازی کیتی اے، اگر کوئی مریض مر رہیا ہوئے تے کیا میڈیکل دی سمجھ رکھن والا صرف ایس لئی مریض نوں مرن دیوے کہ اوہ ڈاکٹر نہیں اے ؟ پارلیمنٹ نوں کہندے ہاں کہ نمبر گیم پوری ہونی چاہیدی اے لیکن اک شخص آندا اے تے پارلیمنٹ نوں ربڑاسٹیمپ بنا دیندا اے ۔چیف جسٹس پاکستان قاضی فائز عیسی دی سربراہی وچ فل کورٹ سپریم کورٹ وچ پریکٹس اینڈ پروسیجر ایکٹ خلاف درخواستاں اُتے سماعت کررہیا اے۔دوران سماعت جسٹس اعجازالاحسن نے ریمارکس دتے کہ پارلیمنٹ قنون نہیں بنا سکدی نا ہی قنون بنان لئی قنون سازی کر سکدی اے، موجودہ قنون دے دائرہ کار وچ رہ کے قنون وچ تبدیلی دا اختیار صرف سپریم کورٹ دے کول اے۔چیف جسٹس پاکستان نے آکھیا آئین کہندا اے سپریم کورٹ اپنے پریکٹس اینڈ پروسیجر دیقنون بنان لئی بااختیار اے، سپریم کورٹ آئین توں بالاقنون بناندی اے تے کوئی تے یاد دلائے گاکہ آئین دے دائرے وچ رہو۔جسٹس اعجاز الاحسن نے آکھیا آئین تے پہلاں ہی سپریم کورٹ نوںپابندکردا دے کہ آئین و قنون دے مطابق قنون بنائے جدکہ چیف جسٹس پاکستان نے عابد زبیری نال مکالمہ کردیاں ہویاں آکھیا کہ ویل گٹ اے چھیتی نال میرے سوال دا جواب دے دیو کہ سبجیکٹ ٹو لا نوںکڈ دین تے قنون بنان دے اختیاراُتے کیہ فرق پئے گا؟صدر سپریم کورٹ بار ایسوسی ایشن عابد زبیری نے اپنے دلائل وچ آکھیا آئین نال آئین و قنون مطابق قنون بنان دے الفاظ ہٹا دتے جان تے وی فرق نہیں پئے گا، جس اُتے جسٹس قاضی فائز عیسی نے آکھیا بس ٹھیک اے جواب آ گیا، اگلے نکتے اُتے جائو۔عابد زبیری دا کہنا سی اگر آرٹیکل 191 وچ آکھیا جاندا کہ پارلیمنٹ سپریم کورٹ بارے قنون سازی کر سکدی اے تے ٹھیک سی، جس اُتے جسٹس اعجازالاحسن نے آکھیا اک ہور سوال اے، کیا سپریم کورٹ پارلیمنٹ دے اختیار توں تجاوزکرکے قنون بنا سکدی اے؟ ساہنوں ویکھنا ہوئے گا آئین کسی وی ادارے نوںآئینی حدوددا پابند کیتھے بناندا اے، آئین سپریم کورٹ نوں آئین و قنون مطابق قنون بنان لئی بااختیار بناندا اے گل ختم۔جسٹس اعجاز الاحسن نے آکھیاکہ پارلیمنٹ نے سپریم کورٹ نوں قنون بنان دا اختیار دتا جیہڑا اوس نے استعمال کیتا، کیا اوس دے بعد قنون سازی نال سپریم کورٹ قنون نوں بدلیا جا سکدا اے؟عابد زبیری نے آکھیا جَد سپریم کورٹ نے قنون بنا لئے تے اونہاں نوں قنون ذریعے نہیں بدلیا جا سکدا، جس اُتے جسٹس قاضی فائز عیسی نے آکھیا اج سماعت مکمل کرنی اے، میں وکیلاں نوں سننا چاہندا ہاں، جج صاحب اپنے فیصلے وچ جو لکھنا چاہندے نیں لکھن۔جسٹس منیب اختر نے آکھیا آئین و قنون مطابق قنونبنان لئی پابندکرن دامطلب اے موجودہ قنون مطابق قنون بنن گے جدکہ چیف جسٹس قاضی فائز عیسی نے آکھیا اج اسیں ایہ کیس سن رہے ہاں تے ساڈھے ادارے وچ کیساں دا بوجھ وَدھ رہیا اے، اج کیس نوں ختم کرنا اے، اپنے دلائل 11 وجے تک ختم کرو۔چیف جسٹس پاکستان نے استفسار کیتا کہ تُسی تحریری دلائل جمع کرائے سن؟ جس اُتے عابد زبیری نے دسیا کہ اجے اپنا تحریری جواب جمع کرایا اے، قاضی فائز عیسی نے آکھیا عدالت نے پہلاں توں تحریری دلائل جمع کران داحکم دتا سی ، اینہے سارے کاغذ اجے پھڑادتے، کیہڑے ملک وچ ایس طرح ہندا اے کہ کیس دی سماعت وچ تحریری جواب جمع کرائے؟ ہر گل وچ امریکی تے دُوجیاںعدالتاں دا حوالہ دیندے نیں ایتھے وی دسن۔وکیل عابد زبیری نے آکھیا نیو جرسی دی عدالت دے فیصلے دا حوالہ دینا چاہندا ہاں، جس اُتے جسٹس قاضی فائز عیسی نے آکھیا گھٹ توں گھٹ امریکی سپریم کورٹ دے فیصلے دا تے حوالہ دیون، ساڈھا لیول اینہاں نا ڈیگو کہ نیوجرسی دی عدالت دے فیصلے نوںبطورمثال پیش کر رہے نیں، ایہ تے فیصلہ وی نہیں ایے۔وقفے دے بعد کیس دی دوبارہ سماعت شروع ہوئی تے درخواست گزار عامر صادق دے وکیل عدنان خان نے اپنے دلائل وچ آکھیا کہ پارلیمنٹ نوںبذریعہ ایکٹ سپریم کورٹقنون بنان دااختیار نہیں، آئین سازاں نے پارلیمنٹ نوں سپریم کورٹ دے ضابطیاں وچ رد و بدلدااختیار دانستہ نہیں دتا، چیف جسٹس دے آفس نوں پارلیمنٹ نے بیکار کر دتا، سپریم کورٹ 2بنیاداں اُتے کھڑی اے، اک چیف جسٹس تے دُوجا باقی جج۔جسٹس قاضی فائز عیسی نے آکھیا چیف جسٹس نوںجیتھوں اختیاردتے گئے اوہ آئین وچ درج اے، چیف جسٹس نوں سپریم کورٹ دے سوکتھوں تنہا اختیار دتے گئے، جساُتے وکیل عدنان خان نے آکھیا آئین کہندا اے کہ چیف جسٹس خود بغیرکسی مشورے دے بینچ بنا سکدا اے، اگر 2 جج کہندے نیں اگلے ہفتے توں بینچ نہیں بنانے صرف چیمبر ورک کرنا اے تے چیف جسٹس دے اختیار بیکار ہون گے۔جسٹس اطہر من اللہ نے آکھیا تُسی اجے تک مستقبل دا دَس رہے او، اجے ایس قنون نال تہاڈا کیہڑا بنیادی حق متاثر ہویا اے؟ تہاڈے سامنے اپنیکون توں بنیادی حق دا دفاع کر رہے ہاں؟وکیل عدنان خان نے آکھیا کہ پارلیمنٹ نوںقنون سازی داکوئی اختیار نہیں، اوس نال سارے بنیادی حق متاثر ہُندے نیں، سپریم کورٹ پریکٹس اینڈ پروسیجر ایکٹ نال انصاف تک رسائی دے آرٹیکل 4 دیخلاف ورزی ہوئی، ایکٹ وچ فوری مقرر مقدمیاں داطریقہ کار دے کے سپریم کورٹ دی تضحیک کیتی گئی۔چیف جسٹس قاضی فائز عیسی نے آکھیا اسیں پہلاں وی کیس مقرر کرن لئی اپنا دماغ استعمال کیتا کردے ساں، میں تے پہلاں ہی کیس مینجمنٹ کمیٹی نوںکیساں دے تقرردااختیار دتا اے، کیا میں نیکیس مینجمنٹ کمیٹی بنا کے آئینی خلاف ورزی کیتی؟ جسٹس اطہرمن اللہ نے آکھیا پشور ہائیکورٹ دے حراستی مرکزاں بارے فیصلے خلاف اپیل 4 ورھیاں توں زیرا لتوا اے، اہم کیساں دے مقرر نا ہون اُتے قنون سازی کیوں نہیں ہو سکدی؟ جدکہ چیف جسٹس پاکستان نے آکھیا اگر میں حراستی مرکزاں بارے کیس مقرر نہیں کردا تے تُسی کیہ حل کرو گے؟وکیل عدنان خان نے آکھیا مشورہ چنگی چیز اے، چیف جسٹس اپنے ساتھیاں وچ کسی توں وی مشورہ لے سکدے نیں، ایس قنون وچ کِدھرے مشاورت دالفظ درج نہیں اے، جساُتے چیف جسٹس پاکستان نے آکھیا کوئی ایسا قنون یا شرعی قنون اے کہ اپیل دا کوئی حق نہیں اے؟ قاضی فائز عیسی نے آکھیا قنون یا شریعت دی رو وچ کیتھے درج اے کہ قاضی دافیصلہ آخری ہوئے گا؟ کوئی حوالہ دے دیو، جس اُتے وکیل نے اپنے دلائلدتے کہمیں ریفرنس جمع کرا دیاں گا۔ چیف جسٹس پاکستان نے اٹارنی جنرل نوں روسٹرماُتے سدھیا تے امتیاز صدیقی نے دلائل لئی ویلا نا دین اُتے اعتراض چُک دتا جس اُتے چیف جسٹس تے وکیل امتیاز صدیقی دے وچکار تلخی وی ہوئی۔درخواست گزار دے وکیل امتیاز صدیقی نے آکھیا تُسی آکھیا سی کہ پہلاں ساہنوں سنو گے فیر اٹارنی جنرل نوں،ساہنوں نا سننا ناانصافی اے، جس اُتے چیف جسٹس نے آکھیا کیتھے لکھیا اے حکم نامے وچ کہ تہانوں اجے سننا اے؟ جس اُتے امتیاز صدیقی نے جواب دتا تسی ساڈھے نال اپنا سلوک ویکھو، چیف جسٹس نے جوابدتا کوئی گل کرن دی تمیز وی ہُندی اے۔چیف جسٹس پاکستان نے آکھیا پچھلی سماعت داساریاں ججاں دے دستخطاں دے نال حکمنامہ جاری ہویا سی، حکم نامے وچ درج اے امتیازصدیقی دے دلائل مکمل ہو چکے تے اوہ ہور دلائل دینا نہیں چاہندے، جس اُتے امتیاز صدیقی نے آکھیا میرے ساتھی خواجہ طارق رحیم تہاڈے رویئے پاروں اج عدالت نہیں آئے، خواجہ طارق رحیم نے تہانوں پیغام دین دا آکھیا اے۔جسٹس قاضی فائز عیسی نے آکھیا تسی اپنی نشست اُتیبیٹھ جاو جس اُتے وکیل امتیاز صدیقی واپس نشست اُتے بیٹھگئے۔خیال رہے کہ وکیلاں دے دلائل مکمل ہون دی صورت وچ سماعت اج مکمل ہون دا امکان اے جدکہ چیف جسٹس نے وی اج کیس مکمل کرن دا اشادہ دے رکھیا اے۔