لہور سنے پوری ڈویژن وچ سموگ دے انسداد لئی دفعہ144لگ گئی

لہور( پنجابی میڈیا گروپ)لہور سنے پوری ڈویژن وچ سموگ دے انسداد لئی دفعہ144لا دتی گئی۔کمشنر لہور دی ہدایت اُتے سموگ دے انسداد لئی لہور سنے پوری ڈویژن وچ دفعہ 144 نافذ کیتی گئی اے۔دفعہ 144نافذ ہون دے بعد بغیر چھت دے شہر توں لنگن والیاں ٹرالیاں خلاف وی کارروائی ہوئے گی جدکہ میونسپل ویسٹ ولوں ٹائر، پولی تھین، سالڈ ویسٹ، ربر، لیدر نوں ساڑھن اُتے قنونی کاروائی ہوئے گی۔دفعہ 144 تحت فصلاں یا فصلاں دی باقیات ساڑھن اُتے مالک تے ٹھیکیدار خلاف قنونی کاروائی کیتی جائے گی۔واضح رہے کہ کمشنر لہور دی ہدایت اُتے لہور، شیخوپورہ، ننکانہ تے قصور وچ دفعہ 144نافذ کیتی گئی اے۔