الیکشن کمیشن: چیئرمین پی ٹی آئی نوں عہدے توں ہٹان دے کیس وچ فیصلہ محفوظ

اسلام آباد( پنجابی میڈیا گروپ)الیکشن کمیشن آف پاکستان (ای سی پی) نے چیئرمین تحریک انصاف نوں عہدے توں ہٹان تے پی ٹی آئی توں انتخابی نشان بلا واپس لین بارے کیس وچ فیصلہ محفوظ کر لئیا۔الیکشن کمیشن وچ چیئرمین پی ٹی آئی نوں عہدے توں ہٹان دی درخواست اُتے سماعت 5 رکنی کمیشن نے کیتی، درخواست گزار خالد محمود خان دے وکیل کمیشن دے سامنے پیش ہوئے۔دوران سماعت وکیل نے آکھیا کہ پی ٹی آئی چیئرمین نوں توشہ خانہ کیس وچ سزا ہوچکی اے، نواز شریف کیس وچ سپریم کورٹ دا آرڈر موجود اے۔ایس اُتے ممبر الیکشن کمیشن سندھ نے استفسار کیتا کہ الیکشن ایکٹ وچ ایس حوالے نال کیتا اے؟ وکیل نے آکھیا کہ پولیٹیکل پارٹیاں آرڈر وچ ایہ شق موجود سی، الیکشن ایکٹ وچ ایہ شق تے موجود نہیں اے۔کمیشن نے پچھیا کہ اگر اج ہائیکورٹ وچ چیئرمین پی ٹی آئی دی اپیل منظور ہوجاندی اے تے کیہ ہوئے گا؟ ایس اُتے وکیل نے آکھیا کہ اگر اپیل منظور ہوجاندی اے تے چیئرمین تحریک انصاف عہدے اُتے واپس آجان گے۔ایس دے علاوہ الیکشن کمیشن آف پاکستان(ای سی پی)نے پی ٹی آئی توں انتخابی نشان بلا واپس لین بارے کیس دا فیصلہ وی محفوظ کر لیا اے۔