امن تے جائز حق لئی فلسطینیاں دے نال کھڑے ہاں،محمد بن سلمان

ریاض( پنجابی میڈیا گروپ)سعودی ولی عہد شہزادہ محمد بن سلمان نے آکھیا اے کہ سعودی عرب جائز حق تے امن لئی فلسطینیاں دے نال کھڑا اے۔عرب میڈیا دے مطابق سعودی ولی عہد شہزادہ محمد بن سلمان نے فلسطین دے صدر محمود عباس نوں ٹیلی فون کیتا جس وچ دوناں رہنماواں دے وچکار غزہ وچ ودھ دی فوجی کشیدگی تے وِگڑدی ہوئی صورت حال اُتے تبادلہ خیال کیتا گیا۔دوران گل بات سعودی ولی عہد محمد بن سلمان نے آکھیا کہ عالمی تے علاقائی فریقیاں دے نال رابطے کر کے کشیدگی روکن دی کوششں کر رہے ہاں، ساہنوں فلسطینیاں دی زندگی نوں آسان بنان دی لوڑ اے۔شہزادہ محمد بن سلمان نے مصری صدر عبدالفتح السیسی تے اردن دے شاہ عبداللہ دوم نال وی ٹیلی فون اُتے رابطہ کر کے اسرائیل فلسطین تنازع بارے تبادلہ خیال کیتا۔