مہنگائی گھٹ، مفت علاج تے تعلیم لئی نواز شریف دا ساتھ دیو،شہباز شریف

لہور( پنجابی میڈیا گروپ)پاکستان مسلم لیگ ن دے صدر تے سابق وزیراعظم شہباز شریف نے آکھیا اے کہ نواز شریف دا ساتھ دیو تاکہ مہنگائی فیر گھٹ ہوئے تے تہانوں تعلیم تے علاج مفت ملے۔عوام دے نام اپنے پیغام وچ صدر مسلم لیگ ن شہباز شریف نے آکھیا کہ 21 اکتوبر نوں گھراں توں نکلیے تے پاکستان دی معاشی ترقی دے معمار دا بھرپور استقبال کرن، نوازشریف دا ساتھ دین دا مطلب خوش حال تے آزاد پاکستان اے۔اونہاں نے آکھیا کہ 21 اکتوبر توں مایوسیاں دے بادل چھٹنا شروع ہو جان گے، عوام نواز شریف دا ساتھ دیو جنہاں نے کراچی سنے پورے ملک نوں امن دتا، اَت گردی دا سامنا کیتا، نواز شریف داساتھ دیو جنہاں دے دور وچ ایہ مہنگائی 47 ورھیاں دی گھٹ ترین سطح اُتے سی۔شہباز شریف نے آکھیا کہ نواز شریف دا ساتھ دیو تاکہ پورے پاکستان وچ دانش سکول بنن تے نوجواناں نوں روزگار ملے ۔